Det slo meg her ein dag at det ikkje er ein einaste artikkel på nynorsk her på Calcuttagutane, og det høver seg ikkje. Det er enkelt og greitt diskriminerande mot våre vener frå til dømes Volda. Eller Ørsta. Det er ikkje så greitt å hugsa skilnaden. Eg har i alle høve fatta ei avgjerd, og målet mitt er at vi skal nå 10% nynorsk innan 2007 er omme.

Eg fikk dette innfallet for eit par dagar sidan, då eg kjøpte Ringdrotten. Eg har så langt ikkje lest meir enn ti-tolv sider, men det lille eg har lest ser særs lovande ut. Eg vonar eg vil plukke opp litt meir rettskriving under lesinga av dette praktverket, slik at dei framtidige artiklane mine på nynorsk vil halde eit høgare nivå enn berre bokmål med litt for mange a-ar, slik eg mistenkjer denne artikkelen for å vere.

Men kva er eigentleg årsaken til at vi ikkje har artiklar på nynorsk her? Er ikkje til dømes Anders K. oppvakse i ein nynorsk-kommune? Ikkje veit eg, men eg aktar å gå til åtak på dette problemet. Diverre er det no blitt så seint at eg ser meg naudt til å krypa til køys, så det blir ikkje meir nynorsk i dette i denne runda, men straks eg er ferdig med Ringdrotten vil dette endre seg. Eg vonar i alle høve det.

Alle kommentarar kring rettskriving blir tekne i mot med takksemd.

-Tor Nordam